Ngarang Drama Sunda

“BADOG”

Dihiji imah mewah anu pinuh ku parabotan mahal, katingal ti ruang keluarga aya hiji pembantu nu keur asak-asak didapur. Ujug-ujug telepon disada (kring..kring..). Manehna langsung ka ruang tengah ngangkat eta telepon bari nyekel panggerus.

Bi Siti              : (ngangkat telepon) Halow..

Tukang Culik  : Bener ieu imahna Ibu Kiki?

Bi Siti              : Sumuhun, leres. Punten ieu saha nya?

Tukang Culik  : Ieu sayah.. tukang culik ma enya teu apal.

Bi Siti                : Oh.. muhun antosan sakedap nya! Bu aya telepon ti tukang culik, saurna milari Ibu! Eh.. keheula, nu nelpon tadi… saha? Tukang culik???? (ngagoler tiheula).

Ibu Kiki             : (datang nyampeurkeun Bi Siti nu ngagoler) aya naon atuh Bi? Ampun si Bibi kagigila-gila teuing! Naha bet sare didieu? (bari nutup gagang telepon).

Telepon teh disada deui kring…kring…kring…Ibu Kiki gek wae diuk terus ngangkat panggerus. Eta panggerus disangkana telepon.

Ibu Kiki             : (ngangkat panggerus) halow.. halow.. Duh punten nya, sorana kirang kadangu. (nempo panggerus nu dicekelna) Oh nya salah.. (terus ngangkat gagang telepon) halow…

Tukang Culik    : Bener ieu Ibu Kiki?

Ibu Kiki             : Nya bener. Ai maneh aya perlu naon? Keur sibuk yeuh.

Tukang Culik    : Oh nya geus atuh teu jadi.

Ibu Kiki             : Nya geus atuh. (nutup telepon). Eh kalah ditutup, saha nu apal boa bae pagawe JNE ek nganteurkeun pesenan. Telepon deui ah..

Tukang Culik    : (ngangkat telepon) halow..

Ibu Kiki             : heueuh halow ieu nu tadi lain?

Tukang Culik    : heueuh ieu sayah.. tukang culik.

Ibu Kiki             : tu..tu..tukang culik???

Tukang Culik    : enya, ieu saha?

Ibu Kiki             : Ibuna Culik eh Ibu Kiki.

Tukang Culik    : Oh Ibu Kiki. Kieu Bu, abi tos nyulik 2 putra Ibu. Nya abi mah jujur wae lah.. upami putra Ibu hoyong salamet jiwaraga, Ibu kedah mayar tebusan samilyar wae lah teu ageung-ageung. Kumaha?

Ibu Kiki             : Hah? Sabaraha? Samilyar?

Tukang Culik    : heueuh samilyar sabaraha keneh bae! Inget, ulah lapor ka Polisi. HARAM!

Ibu Kiki             : Enya enya tenang bae. Kumaha cara mayarna?

Tukang Culik    : Ibu dongkap wae ka imah kosong, gang sukabangkrut. Diantos sampe jam 3 sore. (nutup telepon)

Bi Siti                : (sadar deui) Laporkeun wae ka Polisi Bu! Samilyar teh loba… atawa kanggo abi wae lah bade ngabangun rompok pencakar langit.

Ibu Kiki             : Hih? Geuning apal Bi? Sare ta nguping?

Bi Siti                : Mmm.. dua-duana Bu. (bari gagaro hulu) Tapi Bu, laporkeun wae Bu!

Ibu Kiki             : Mmm.. kumaha nya? Nya atuhlah..

                          (nelepon polisi) halow, ieu kantor polisi? (cicing). Tulungan abdi Bu! 2 Putra abdi  diculik. (cicing).  Abdi Ibu Kiki. Alamat rompokna di Jl.Sukasepi no.4. Haturnuhun, Bu. (nutup telepon).

Sababaraha menit kemudian, Ibu Kiki tos aya dihareupeun imah kosong nu dimaksud ku tukang culik, manehna datang jeung 2 urang polisi.

Polisi I             : Ibu lebet, urang duaan ngawaskeun didieu.

Polisi II           : Leres. Ibu tong hawatos serahkeun wae ka urang duaan.

Ibu Kiki           : Enya enya.. (asup ka imah kosong).

Terus tukang culik nembongan bari mawa 2 anak Bu Kiki nu diculikna.

Tukang Culik  : Ibu Kiki nya?

Ibu Kiki           : Enya, saha deui atuh.

Tukang Culik  : Ibu nyandak tebusanna?

Ibu Kiki           : nya mawa atuh teu percaya. Mana anak Ibu?

Tukang Culik  : keheula! Duitna heula atuh. Kakara anak Ibu.

Ibu Kiki           : Tah! (nyerahkeun kantong plastik hareupeun tukang culik)

Tukang Culik  : ieu eusina duit?

Ibu Kiki           :CILOK GORENG!!! Nya heueuh atuh duit nanya keneh bae.

Tukang Culik  : Teu modal ih, pake koper atuh! Mana eusina receh kabeh deui, huh!

Ibu Kiki           : Sugan mah meuli koper teh murah.

Tukang Culik  : Huh, nya karep lah. Tah! Anak Ibu. (bari ngadorong Rena jeung Reni   ka arah Ibu Kiki).

Rena&Reni     : Emaaaaaaak.. (bari nangkeup Ibu Kiki)

Ibu Kiki           : Ya ampun Rena Reni! Emak sono pisaaaaaan. Eh, ieu na dibuka heula nya. (bari muka plastik anu nutupan hulu Rena Reni). HAH?! Anak Emak geuning goreng pisan. Ieu mah lain anak urang. Tukang culik kumaha ieu teh?

Reta&Rena     : Emaaaaaaak.. (nangkeup deui Ibu Kiki)

Tukang Culik  : Ma enya Bu?

Ibu Kiki           :Enya sih jiga anak Ibu, tapi anak Ibu baheula na geulis naha ayeuna awut-awutan kieu? Ayeuna mah kieu wae, Ibu ngikhlaskeun kanggo maneh bae, lik. (bari ngadorong Reta jeung Reni ka arah Tukang culik).

Tukang Culik  : Oh teu bisa kitu Bu! Anggap wae anak ieu kenang-kenangan ti abdi kanggo Ibu, sareng artos ieu kenang-kenangan Ibu kanggo abdi. (bari ngadorong Reta jeung Reni ka arah Ibu Kiki).

Reta                 : Eh keheula keheula, Ren sugan ieu emak urang? Asa lain nya? (bari nilik Ibu Kiki).

Rena                : Tah! Titadi ge ek nanya kitu urang teh. Asa lain Ret, baheula emak urang ge geulis tapi ayeuna geuning kieu nya?

Reta                 : nya heh lain puguh.

Rena                : Mang culik ayeuna mah kieu bae, nu dijadikeun kenang-kenangan lain urang duaan tapi Emak Kiki bae.

Reta                 : Tah eta pisan Ren.

Rena                :Tah jadi urang ngikhlaskeun Emak Kiki ka Mang Culik. (Reta&Rena ngadorong Ibu Kiki ka arah Tukang Culik).

Tukang Culik  : Oh teu bisaaa.. (ngadorong Ibu Kiki ka arah Reta&Rena)

Ibu Kiki           : Oh teu bisaaa.. (ngadorong Reta&Rena ka arah Tukang culik)

TC,IK,RR       : (padorong-dorong)

Tiba-tiba aya 2 polisi jeung Bi Siti asup ka imah kosong eta.

Polisi I             : Engkat tangan! (bari nodongkeun cau)

Polisi II           : Eh! Eta.. (bari nunjuk cau)

Polisi I             : Oh nya punten.

Polisi II           : Angkat tangan!

Tukang Culik  : Enya titadi ge angkat tangan.

Polisi I             : Maneh, maneh! (nunjuk ka Tukang culik jeung Ibu Kiki) ditangkep!

Ibu Kiki           : Jeh pedah naha? Nu nyulik anak sayah tuh si badog itu (nunjuk Tukang culik). Sayah mah emak na Rena Reni!

Polisi II           : si badog ditangkep pedah nyulik anak Ibu. Terus Ibu ditangkep pedah nolak anak Ibu. (bari ngaborgol Ibu Kiki)

Ibu Kiki           : Hah? Eh keheulaa… anak sayah ge teu ngaku sayah Emakna. Tangkep oge atuh!

Reta&Rena     : (Nyerahkeun tangan sangkan diborgol)

Polisi II           : (ngaborgol Ibu Kiki, Reta&Rena)

Polisi I             : (ngaborgol Tukang culik) Beu urang bawa ka Kantor!

Polisi II           : Kantor mana?

Polisi I             : Kantor KUA, Kantor Polisi lah.

Polisi I & 2 mawa kabeh kaluar ti imah kosong eta kecuali Bi Siti.

Bi Siti              : Yah.. urang sorangan atuh. Pa polisi tangkep Bibi oge atuhhh…Pa antosaaan!

Ahirna kabehna ditangkep ku polisi.

Advertisements

About titasyiamiq

20 y.o. weird girl of Smandaku'2015 and Faculty of Nursing Padjadjaran University :)
This entry was posted in Tentang SMA. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s