Penting Miara Kasehatan – Biantara Sunda

Assalamualaikum Wr.Wb.

            Langkung tipayun hayu urang sami-sami nyanggakeun puji sinareng syukur ka Gusti Allah SWT anu Maha Ghofur, anu tos maparin rupa-rupa kasehatan sareng kanikmatan ka urang sadaya anu alhamdulillah urang sadaya tiasa ngariung di ieu tempat dina kaayaan sehat wal’afiat.

            Shalawat miwah salam mugia tetep dikocorkeun ka junjunan urang sadaya nyaeta Nabi Agung, Muhammad SAW, ka para kulawargana, para sohabatna, tabi’in tabi’at na, sareng teu hilap ka urang sadaya salaku umat na anu tumut kana ajaranana, amin ya robbal alamin.

            Para wargi miwah rerencangan anu pihormat,

            Simkuring ngadeg di ieu tempat bade maparkeun sakedik pidato anu aya pakuat pakait na kana jasmani urang, nyaeta “Penting na Miara Kasehatan”.

Kasehatan mangrupakeun hiji hal anu tangtu penting diperhatoskeun dina kahirupan urang sapopoe. Lamun hirup urang teu sehat, awak teu sehat, pikiran teu tenang, tangtu moal bener ngajalankeun kahirupan jeung kagiatan sapopoe teh. Conto na bae tong jauh-jauh, urang salaku pelajar lamun awak teu sehat, kumaha tah raos na? Anu aya urang kalah males ka sakola, masihan surat ka guru anu alesan na teh udur, katinggaleun we pelajaran. Teu acan ka dokter lamun panyakit na rada parah, teu acan bayar na anu mahal. Simkuring oge keur kamari nyeri sirah wae, boro-boro nulungan pasen, nu aya mikirkeun we kanyeri sorangan. Sabenerna loba pisan jalma-jalma anu kurang merhatoskeun kana kasehatan. Di Amerika misalna, cek beja loba pisan jalma anu kaserang panyakit obesitas atawa panyakit kaleuwihan beurat badan. Naon sabab na? Loba keneh jalma anu kurang sadar kana kasehatan, meureun cek urang sunda mah pagawean na teh nang hardolin wae ari kasehatan teu di perhatoskeun nu aya ngunyem wae nu teu puguh. Nya atuh olahraga minimal saminggu sakali mah, syukur lamun unggal poe.

Di zaman globalisasi bieu teh lain bae teknologi anu maju teh, panyakit-panyakit anyar ge ayeuna mah narembongan. Gogoda gede na mah da angger tina teknologi-teknologi keneh. Ayeuna mah mimiti ti budak sampe ka jalma kolot pagawean na teh nempo TV, ngome komputer, ngome HP. Kagiatan eta teh bisa nimbulkeun rupa-rupa panyakit misalna panyakit mata, ku lila na nempo layar komputer bisa ngarusak mata, terus carangkeul, ramo asa baal, terus lamun posisi diuk na teu bener lila-lila bakal timbul gangguan panyakit tulang tonggong jiga skoliosis nyaeta tulang tonggong anu bongkok kagigir, lordosis nyaeta tulang tonggong anu bongkok na ka hareup jeung kifosis nyaeta tulang tonggong anu bongkok ka tukang.

Conto-conto diluhur moal bakal kajadian lamun urang na sadar kana penting na miara kasehatan. Aya sababaraha tips sederhana ngeunaan penting na miara kasehatan nyaeta diantarana:

  1. Istirahat sacukup na
  2. Jauh tina pikiran negatif
  3. Lamun barang dahar pastikeun eta dahareun teh bersih jeung higienis
  4. Kaloba dahar anu ngandung serat, conto na apel, wortel, kacang-kacangan
  5. Rajin olahraga
  6. Dahar teratur jeung porsi na sacukup na
  7. Loba emuh cai minimal 8 gelas unggal poe
  8. Jaga kabersihan lingkungan
  9. Loba dahar sayur jeung buah
  10. Eusi kagiatan sapopoe ku kagiatan anu bisa ngabangun rasa percaya diri

Jadi, miara kasehatan teh penting pisan sabab sehat teh mahal, kunaon sabab na? Sabab lamun urang udur pasti ngabutuhkeun obat anu harga na teu murah, ti dinya muncul wae istilah “SEHAT TEH MAHAL”. Tos sakudu na urang sadar kana kasehatan teh da sanes kanggo batur ieuh, kanggo urang urang keneh insya allah henteu aya rugina.

Para wargi miwah rerencangan anu dipihormat,

Sakitu pidato anu kapihatur, hapunten upami aya kalepatan-kalepatan anu dihaja atanapi henteu dihaja. Mugi-mugi ieu pidato tiasa masihan mangpaat ka urang sadayana, amin.

Wassalamualaikum Wr.Wb.

Advertisements

About titasyiamiq

20 y.o. weird girl of Smandaku'2015 and Faculty of Nursing Padjadjaran University :)
This entry was posted in Tentang SMA. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s